Әлихан Нұрмұхамедұлы Бөкейхан (1866-1937). Шығармаларының 9 томдық толық жинағы. – Астана: «Сарыарқа» БҮ, 2009. –Т. 1. - 564 б.

Қазақтың көрнекті қоғам және мемлекет қайраткері, энциклопедияшыл ғалымы әрі көрнекті публицисі Әлихан Нұрмұхамедұлы Бөкейханның тұңғыш толық жинағы – 1889-1937 жылдар аралығында мерзімді басылымдарда, ғылыми журналдар мен жинақтарда жарық көрген ірі ғылыми монографияларын, ғылыми зерттеулерін, саяси публицистикасын, әдеби сын мақалалары мен аудармаларын және жеке хаттарын қамтиды. Осы жинаққа кірген барлық материал Сұлтанхан Аққұлұлының авторлық меншігіне жатады.

Бөкейхан Әлихан Таңдамалы. - Алматы: Қазақ энциклопедиясы, 1995. - 478 б.

Қазақтың ұлы қоғам және мемлекет қайраткері, ғұлама ғалымы Әлихан Нұрмұхамедұлы Бөкейханның есімі кеңес дәуірінде бір жақты қаралып, соның салдарынан оның өмірі мен ғылыми шығармалары мүлдем зеоттелінбей шаң болып жатты. Бұл жинаққа Ә. Бөкейханның 1899-1937 жылдар аралығында жарияланған ірі монографиялары, ғылыми басылымдары, мақалалары және жеке хаттары еніп отыр.

Қамзабекұлы Д. Алаштың рухани тұғыры: ғылыми зерттеу. - Алматы: Ел-шежіре, 2008. - 357 б.

Алаш – елшілдік ізденісіміздің жарқын беті. Алаш – елдік-мемлекеттік рәмізге айналған ұғым. ХХ ғасырдың басында Ә. Бөкейхан бастаған ұлт қайраткерлері Алаш атын партияға да, үкіметке (ұлт кеңесі) де бергенде осы ұстанымды басшылыққа алғаны анық. Зиялылардың Алаш атауын таңдауы да жайдан-жай емес еді. Өйткені Алаш – жаңа түрдегі елшілдік күрестің, байырғы айбардың рәмізі-тін. Автордың бұл зерттеуінде тарихи ұлт-азаттық Алаш қозғалысының рухани тұғыры зерделенеді.

Бочагов А. К. Алаш-Орда: Краткий ист. очерк о нац.-буржуаз. движении в Казахстане периода 1917-19 г.г. - Кзыл-Орда: Гос. изд-во КССР. – 1927. - 57 с.

Издание содержит исторический очерк, посвященный характеристике партии Алаш-Орда и движения алаш-ординцев в Казахстане периода 1917-19 годов.

."Алаш қозғалысы идеясының Еуразия кеңестігіндегі ықпалы: тарих және қазіргі кезең": Халықаралық ғылыми-практикалық конференциясының материалдары. - Семей. – 2008. - 367 б.

Алаш қозғалысының 90 жылдығына арналған бұл жинақта "Алаш" қозғалысының тарихы және оның қайраткерлері туралы баяндайтын материалдар енді.

Дулатбеков Н. Алаш ардақтылары: Санкт-Петербург іздері. - Алматы: Таймас, 2013. - 238 б.

Заң ғылымдарының докторы, профессор Н. Дулатбековтің 19-20-ғасырлар тоғысында Санкт-Петербург университетінде білім алған бір топ Алаш ардақтыларының өмірін зерттеп, жазған мақалалары топтастырылған. Нақтылы мұрағат материалдарына негізделген жазбалар қазақ халқын ұлт қылып ұйыстырып, ел қылып қалып-тастыру мақсатында еселеп еңбек сіңірген, сол жолда бастарын бәйгеге тіккен текті тұлғалардың талайлы тағдырлары жайында баян етеді.

Аманжолова Д. А. На изломе. - Алматы: Таймас, 2009. - 410 с.

Книга является первым достаточно полным аналитическим исследованием истории движения Алаш и Алаш-Орды. В настоящее время данный труд имеет особую актуальность в контексте новых условий этноидентификации и социальной модернизации народов постсоветских государств, развития казахстанской многонародной нации и культурной консолидации общества.

Ісімақова А. Алаш әдебиеттануы. - Алматы: Мектеп, 2009. - 560 б.

Автор Ахмет Байтұрсынұлы, Әлихан Бөкейханұлы, Жүсіпбек Аймауытұлы, Міржақып Дулатұлы және т.б. тұлғалардан басталатын Алаш әдебиеттануының шынайы келбетін әл-Фараби, Абай, Ыбырай, Шоқаннан таратып, ұлт әдебиетінің тарихи негізін ажырамас бірлікте жүйелейді.

Төлепберген Б. Мәңгі жас - Алаш идеясы. Алматы: Алматы баспа үйі, 2008. - 301 б.

Кітапта автор Алаш идеясын, яғни қазақ елінің ұлттық мұрат-мүддесін қорғау жолында өмірге келген қоғамдық құбылыстарға, әрі бүгінгі қазақ жастарының саяси-әлеуметтік жағдайына талдау жасай отырып өз тұжырымдарын ұсынады.

Бәкір Ә. Қ. Алаш қозғалысы саяси топ басшыларының әлеуметтік көзқарастары. - Астана: Сарыарқа, 2008. - 156 б.

Жоғары оқу орындарына арналған бұл оқу құралында ХХ ғасырдың басында қазақ халқының қоғамдық санасының дамуына орасан зор әсер еткен, бүгінгі күні де әсте маңызын жоймаған Алаш қозғалысы саяси топ басшыларының әлеуметтік ой-пікірлері нақты шығармалары негізінде талдалған.